HeKo 704 4-C, 28 mar 19
C-ano Abasi Nshimirimana, delegito de Islama Esperanta Klubo ĉe la Forumo, ĵus demandis al la Konsulo pri la jena:
a) ĉu la gejunuloj, kiuj havas la esperantan civitanecon kaj ne atingis la 35an aĝjaron, devus aŭtomate esti individuaj membroj de Tutmonda Esperantista Junulara Organizo?
b) en tiu kazo, se la TEJO-aneco estus deviga, ĉu la Civito pretus pagi la koncernajn kotizojn el la propra kaso?
La Konsulo taksis la demandon ricevebla. La respondo estas atendata okaze de la venonta parlamenta sesio.
La interogacio koncernus plurajn dekojn da homoj, plejparte en Afriko. Ŝajnas ke, se ĉiuj gejunuloj kiuj havas la civitanecon aliĝus al TEJO, ĝia individua membraro kreskus inter 15% kaj 20%.
Aldonu komenton