majo 2017

Didaktika centro pri biodiverseco en Andaluzio?

HeKo 645 3-B, 18 maj 17

Laŭ invito de la posedanto, la sekretario de Esperanta Naturamikaro vizitis hieraŭ, kune kun la prokuristo de fondumo Pro Esperanto, farmon kun vasta bieno en Andaluzio. La posedanto petis konsilon pri la utiligo de la bieno, kies prizorgon li forlasas pro la aĝo.

Legu pli pri Didaktika centro pri biodiverseco en Andaluzio?

Rasismaj esprimoj kaj falsa aserto de Lee Miller

HeKo 645 4-B, 19 maj 17

Iu usonano nomata Lee Miller en publika socia reto ĵus allasis sin al pezaj rasismaj insultoj kontraŭ italoj, laŭ stilo simila al tiu de la plej kruda voĉdonanto de Donald Trump rilate meksikanojn.

Legu pli pri Rasismaj esprimoj kaj falsa aserto de Lee Miller

Esperanta PEN asembleos en Svislando

HeKo 645 5-B, 19 maj 17

La prezidanto de Esperanta PEN-Centro, prof. d-ro hab. Walter Zelazny, kunvokis la Asembleon de Esperanta PEN-Centro al Svislando je la 15a de julio 2017, posttagmeze. Sian ĉeeston jam anoncis ses el la dudeko da membroj, plus la sekretario-kasisto, c-ino Miroslava Kirova.

Legu pli pri Esperanta PEN asembleos en Svislando

Ne raso sed specio en la Torina Librosalono

HeKo 645 6-A, 20 maj 17

“La infana raso / La specie bambina”, dulingva eldono de la ĉefverko de William Auld per la italigo de Nicolino Rossi, debutis hodiaŭ ĉe la Librosalono en Torino, la plej grava librofoiro en la Duoninsulo. La verkon prezentis la prefacinto (Nicola Ruggiero) kaj la eldonistino (Neria De Giovanni) kadre de intervjuo prizorgata de itala verkista sindikato.

Legu pli pri Ne raso sed specio en la Torina Librosalono

Forpasis André Albault, prezidinto de la Akademio

HeKo 645 7-A, 21 maj 17

La franca prezidinto de la Akademio de Esperanto (1983-1995), d-ro André Albault, forpasis la 17an de majo, tri tagojn post sia plena 94-jariĝo. Profesie oftalmologo, li lernis la lingvon en 1939 kaj famiĝis jam en 1951, kiel gajninto de la unua oratora konkurso dum Universala Kongreso.

Legu pli pri Forpasis André Albault, prezidinto de la Akademio

Evan Williams: "Internet is broken / Interreto kaputis"

HeKo 645 8-B, 21 maj 17

“Internet is broken” interreto kaputis, ĵus deklaris Evan Williams en intervjuo ĉe “New York Times”. La fondinto de Blogger, Twitter, Medium jam de longe dubas pri la intuicio kiu situas fone de la sociaj retoj, ekde Facebook: la homoj deziras komuniki, montri sin, kaj per tio ĉio pliboniĝas.

Legu pli pri Evan Williams: "Internet is broken / Interreto kaputis"

IJK 2018 okazos en Hispanio

HeKo 645 9-A, 22 maj 17

Unuafoje post pluraj jaroj, dum kiuj TEJO organizis sian kongreson en alia lando aŭ eĉ alia kontinento ol UK (la hanojan escepton kaŭzis la rezigno de ĝia japana sekcio), la Internacia Junulara Kongreso disvolviĝos praktike en la sama lando de la Universala.

Legu pli pri IJK 2018 okazos en Hispanio

Forpasis civitanino Lina Gabrielli (1920[1955]-2016)

HeKo 646 1-C, 23 maj 17

D-ino Lina Gabrielli forpasis en sia hejmurbo Ascoli Piceno la 16an de decembro 2016, 86-jaraĝa. Ŝi estis la plej eminenta esperantisto en sia provinco, sed ankaŭ internacie fama publicistino, eldonistino kaj verkistino.

Legu pli pri Forpasis civitanino Lina Gabrielli (1920[1955]-2016)

Memore pri civitano Manuel de Seabra

HeKo 646 2-C, 24 maj 17

Manuel de Seabra (1932[1946]-2017) forpasis antaŭ du tagoj en Barcelono, post longa malsano. Li estis unu el la plej valoraj esperantistoj en Iberio, kvankam la esperantlingva komunumo sur tiu duoninsulo preskaŭ ignoris lin. Bonŝance li havis oftajn kaj bonajn kontaktojn aliloke.

Rekorde pozitiva 2016 por nia libroeldonado

HeKo 646 3-A, 25 maj 17

Laŭ la kutima jara statistiko ĵus publikigita en “La Ondo de Esperanto” la 2016a estis rekorde pozitiva por nia libroeldonado. Estis produktitaj 189 titoloj por sume 32.323 paĝoj. Se la titolkvanto reportas la merkaton al la nivelo de 2007, la paĝokvanto superas ĉiujn antaŭajn jarojn, ekde 1991, kiam LOdE refondiĝis.

Legu pli pri Rekorde pozitiva 2016 por nia libroeldonado

Arkivo

Serĉo

Dizajno de MTT · Programo de Tramontána · Funkcio de Drupal