junio 2024

La historio de la balotoj por la usona prezidenteco registras la unuan debaton inter la du ĉefaj kandidatoj en televizio neniam antaŭ la monato septembro: la ĵusa debato inter Biden kaj Trump en junio estas escepto el kiu oni rajtas dedukti kaj malicon kaj prudenton.

La elektoj por la Parlamento de la Franca Respubliko konfirmas la fortan kreskon de la ekstrema dekstro, gvidata de Marine Le Pen kaj Jordan Bardella, konstatitan por la Parlamento de Eŭropa Unio. La konfirmo alvenas malgraŭ la paralela kresko de la partopreno en la baloto.