La ĉi-jara Stipendio Ivo Lapenna estis asignita al du intelektuloj kiuj havas la esperantan civitanecon: Perla Martinelli (Ŝtata Universitato de Ĝenovo) kaj Aleksandr Meljnikov (Ŝtata Pedagogia Universitato de Rostov-ĉe-Don). Ili ricevis la premion pro disertacioj pri temo esperantologia-interlingvistika.
Ĉiam en la aktualeco la oka numero de Heroldo de Esperanto en 2006, aperanta kun regula trisemajna kadenco. La unua paĝo enfokusigas la demandon pri la financindo de projektoj en Esperantio, kun analizoj kaj informoj pri “Indiĝenaj Dialogoj” (kiu kaŭzis al UEA perdon de pli ol 17.000 euroj), pri Internacia Televido (kiu ĝis nun elsuĉis eble 25.000 eŭrojn) kaj alio.
Du datrevenoj okupas la fruntan artikolon, respektive internan paĝon: la dek jaroj de la Universala Deklaracio pri la Lingvaj Rajtoj, respektive la dek jaroj de la transdono de HdE al nova proprieto (koincide kun la forpaso de Ada Fighiera Sikorska).
Teatro Espero Varsovio estas unu el la unuaj establoj aliĝintaj al la Pakto por la Esperanta Civito.
Apud la Ruĝa Kruco kaj Ruĝa Duonluno ekde nun — sur blanka fono ruĝa rombo estos simbolo la Ruĝa Kristalo, la tria simbolo de la Internacia Ruĝa Kruco.
La israela partnera socio Magen David Adom (MDA, ruĝa davidstelo) jam ekde la 1930aj jaroj volis esti membro de la Internacia Ruĝa Kruco, sed la juda ŝtato rifuzis same la ruĝan krucon de la kristanaj landoj kiel la ruĝan duonlunon de la islama mondo.
La nova simbolo, la Ruĝa Kristalo, estas neŭtrala rilate kaj al ĉiu kristana konfesio kaj al etnaj kulturaj konsideroj.
Milito de ĉiu kontraŭ ĉiu inter “Esperanto”-Radikala Asocio, UEA/Corsetti kaj la skandalema “Libera Folio”. Ĉu nun Esperantio havas sian bermudan triangulon? Almenaŭ tion oni komprenas el la lasta gazetara komuniko de ERA (subskribita de Giorgio Pagano).
Dum la Somera Universitato pri Mondialismo 23-28 julio 2006 en Ĉaŭdefono okazos la fonda asembleo de la asocio “Mondfederistoj de Esperantio”, kiu petos la aliĝon al la Mondfederisma Movado, kiel observanto. Probable la unua formala ĉeesto de la nova asocio plenumiĝos en augusto 2007, dum la internacia kongreso de la mondfederistoj, kunvokita al Svislando.
Esperanta PEN-Centro havos sian ordinaran Asembleon en Chaudefono, ĵaŭdon la 20an de julio 2006 ekde 14h00, ĉe la Esperanto-Domo.
La Asembleo pritraktos la sekvan tagordon: 1) Raportoj de la Komitato. 2) Diskuto kaj aprobo pri la raportoj. 3) Regularo de la literatura PEN-premio (eksa Verko de la Jaro). 4) Europa PEN-Konferenco 2008. 5) Diversaj kaj eventualaj.
En la punkto 5 estos konsultiĝo prepare al la elektoj por la nova Komitato, en 2007.
Vinko Oŝlak, prezidanto
Anjo Amika du fojojn kantis kun la ensemblo Turmix, 6 kaj 13 majo 2006 en Budapeŝto, kun granda sukceso. La du aranĝoj estis bankedoj. La unua estis “Balo Jes”, en la distrikto Újpest; la dua estis aranĝo okaze de la 15a datreveno de la entrepreno Oriflame, en la distrikto Pasarét.
Sekvis la du grandaj defioj en la Palaco de Artoj, kie Anjo Amika kantis en la serio “Rendevuo de Artoj”.
La unua recitalo estis aranĝita en la Teatro-Festivalo, kie ŝi prezentis sian repertuaron el kristanaj kantoj en tri lingvoj, esperante, latine kaj hungare.
La projekto “Indiĝenaj Dialogoj” kaŭzis al UEA la netan perdon de 17.151 eŭroj. En junio 2000 la granda sumo estis pruntita de Roterdamo al ges-roj Bessie Schadee kaj Sylvain Lelarge (kiuj intertempe disiĝis), gvidantoj de la privata lingvoinstituto Narwal (Wassenaar, Nederlando). La ĝenerala direktoro (Osmo Buller) kaj la estrarano pri financoj (Renato Corsetti) apogis la pruntopeton de la privatuloj, kies solventeco ŝajnis certa, pro duone promesita (sed unuone maldonota) subvencio de la nederlanda ŝtato.
De la 17a ĝis la 29a de julio okazos esperanto-kursaro en Instituto Zamenhof, Lomeo. Estos kursoj por komencantoj, por progresantoj kaj ankaŭ seminario por kursgvidantoj.
TIETo kaj UTE elektas la kapablajn kandidatojn en Togolando. Ekstertogolandaj esperantistoj kun akceptebla lingvonivelo estas invitataj al tiu chi kurso. Interesighantoj ekstertogolandaj rilatu kun Afrika Centro Esperantista , kiu pretas helpi ilin partopreni la kurson. Ĉe la fino de la kurso estos ekzamenoj kun disdono de diplomoj.
GBEGLO Koffi, BP 13169, Lome, Togolando
El Svedio venis la informo ke la Skandinava Esperantologia Semajno, programita por la 26a-30a de junio 2006 ĉe Esperanto-Gaarden, ne okazos. Konsekvence ankaŭ la instruisto, c-ano Giorgio Silfer, nuligis sian viziton en Skandinavio.
Skandinavaj interesitoj povas peti la studmaterialon tra Kultura Centro Esperantista, aŭ tra nia pakto [ĉe] esperantio [punkto] net (redakcio).
La Kultura Monatfino de Kultura Centro Esperantista, 30 sep — 1 okt 06, estos dediĉita al la Naua Oficiala Aldono al la Universala Vortaro, nun diskutata che la Akademio de Esperanto.
Por la okazo, unuafoje konvenos la membroj de la Lingva Komitato, nova instanco de la Esperanta Civito kreota en julio 2006 per leĝo proponita de la Konsulo, prof. d-ro hab. Walter Zelazny.
