Estimata Giancarlo Fighiera,
Vi bonvolas “informi” per dosiero pri c-ano Giorgio Silfer kaj pri la Esperanta Civito. Laŭ tio, kion mi scias, mi ne komprenas – kial tia sinteno?
Profesoro Canko Ignev, prezidanto de Fondaĵo “Socio kaj Esperanto”, donacis al la Esperantista Domo de Kulturo “D-ro Ivan Kirĉev” – Razgrado (Bulgario) parton de sia librokolekto.
“La Infana Raso aperis antaŭ kvindek jaroj” estas la temo de la prelego de prof. Giorgio Silfer, akademia fakulo pri interlingvistiko kaj esperantologio, per kiu la Londona Esperanto-Klubo inaŭguros sian postferian programon, vendredon la 8an de septembro 2006, ekde 18h30, ĉe la kutima sidejo.
Laŭ diversaj gradoj, la Naŭa de Aŭgusto en Bulonjo-ĉe-Maro signis la aprobon pri la ĉefaj simboloj de nia lingvokomunumo: la Libro, la Flago, la Himno.
Verkisto Gbeglo Koffi kaj tradukisto Bernard Henry estas novaj membroj de la Esperanta PEN-Centro: tion decidis la ordinara Asembleo en la Esperanto-Domo (KCE) de Ĉaŭdefono, 20 julio 2006.
Pluraj aliĝintoj al la diskutlisto pri mondfederismo partoprenis la Someran Universitaton pri Mondialismo en Ĉaŭdefono, dum kiu estis antaŭvidita ankaŭ la fondo de la societo “Mondfederistoj en Esperantio”, kun la celo aliĝi al WFM (Mondfederista Movado).
En la Esperanto-Domo de Ĉaŭdefono (KCE), 23 julio 2006 kunvenis la Komitato de Feminisma Esperanta Movado (FEM), prezidata de sen. Marie-France Conde Rey; partoprenis sen. Perla Martinelli kaj Anna Lászay, senkulpiĝis gec-anoj Agneta Emanuelsson kaj Jarlo Martelmonto.
Ne kredinte la denuncon de sia kolego Gbeglo Koffi, komitatano por Togolando, pri konfida misuzo fare s-ro Osmo Buller, la Komitatanoj de UEA en Florenco konsekvence opiniis, ke c-ano Gbeglo mensogas kaj meritas punon.
Jam kelkajn tagojn antaŭ la komenciĝo de la monda futbala turniro en Germanio pluraj eminentuloj per nefermita letero turnis sin al la prezidento de Irano, Mahmud Aĥmadineĵad, kiu konsideris la eblon ĉeesti matĉon de la irana teamo. Ili postulis ke li garantiu al la minoritatoj en Irano kaj precipe al la bahaanoj la religiajn kaj homajn rajtojn.
Lastatempe okazis unika evento: la 11an de julio 2006 la Urba Konsilantaro de Herzberg aprobis unuanime (kun tri sindetenoj) la novan oficialan nomon de la urbo: Herzberg am Harz, die Esperanto-Stadt/la Esperanto-urbo!
La konstanta demando pri neŭtraleco, kiu ofte glitis al politika indiferento en la historia linio Pariza CO-Kolonjo 1933-Internacia E-Ligo-nuntempa UEA (kiu ne originas el la asocio fondita en 1908 fare de Hector Hodler, sed el la ensorbo de ĉi tiu al IEL, 1947), trovis la adekvatan solvon en la formulo de la Esperanta Civito.
La Komitato de UEA, kunsidanta en Florenco, aprobis la financan raporton 2005, inkluzive la transformon al donaco de la alprunto de pli ol 17.000 eŭroj ankoraŭ repagenda fare de la privatuloj kiuj responsis pri la intertempe ĉesinta projekto “Indiĝenaj Dialogoj”.
