La Kapitulo de la Esperanta Civito kunvenos en Ĉaŭdefono vendredon la 26an de februaro 2010, ekde 8h30, ĉe la svisa notario kiu asistas la paktintajn establojn. La ĉefa temo en la tagordo estas la transformo de Fonduso al Fondumo Pro Esperanto, kun la koncernaj strukturo kaj aktivecoj.
Dek tagojn post la unua komuniko al la Senato, manke de kontesto pri la riceveblo la Konsulo anoncas hodiaŭ la formalan ricevon de la leĝopropono pri Fondumo Pro Esperanto, prezentita nome de la Kapitulo. Konsekvence estas malfermita la telematika senatokonsulto, post kiu la definitiva teksto de la propono estos enskribita en la tagordo de la senata sesio en aŭgusto.
Pozitiva renkonto hieraŭ inter la reprezentantoj de Fonduso Pro Esperanto kaj Internacia Civila Servo (branĉo pri Afriko) en Bruselo, koncerne la projekton AmaHoro en Burundio. ICS konfirmis sian intereson helpi al la projekto, kaj enfokusigis la unuajn punktojn.
Finiĝis ĉi-matene en Luksemburgo la dutaga kunvenaro de la laborgrupoj de la Asocio de LingvoTestistoj en Eŭropo (ALTE), kie esperanto estas reprezentata (kiel kutime kaj ekskluzive) de Kultura Centro Esperantista laŭ komisio de la Esperanta Civito.
La Kapitulo de la Esperanta Civito kunvenis hodiaŭ en Ĉaŭdefono, ĉe la notario kiu zorgas pri la transformo de fonduso al fondumo Pro Esperanto, ĉar tio estis la ĉefa punkto en la tagordo.
Ĉu ekzistas internacia neregistara organizo, iniciatita de aŭtentaj esperantistoj, kun esperantistoj inter la ĉefaj aktivuloj dum longa tempo, kun intereso por la instruado pri nia lingvo, kaj kun konstanta agado, vere ĉiujaraj meritoj por la paco, kaj dum certa tempo havanta sian ĉefan sidejon en unu el la ĉefurboj de Esperantio? Jes, ĝi ekzistas.
Mi taksas la [lingvopolitikan] proponon [de Michael Cwik] plia absoluta teruraĵo, el la sinsekvo de mispaŝoj delonge farataj de UEA.
Per nova, aŭtora rubriko startis la 41a jarkolekto de “Literatura Foiro”, en la februara numero 243 . La ĉefredaktoro Ljubomir Trifonĉovski proponos en la nuna jaro sian kulturan agendon: ses gravaj eventoj de la ses artoj en la sen sinsekvaj numeroj de la revuo estos en la fokuso.
