HeKo 674 6-B, 18 mar 18
Je la statuta mandatfino la nuna prezidanto de Kultura Centro Esperantista lasos la Komitaton. Prof. Giorgio Silfer transprenis la prezidon en 2013, kaj gvidis la kulturcentron dum du sinsekvaj mandatoj. Ankaŭ la vicprezidanto, c-ino Elisabeth Amstad, lasos la Komitaton.
Male, c-ino Anna Bartek rekandidatos kiel sekretario por plia mandato, okaze de la Asembleo de KCE meze de la venonta monato.
Ĝis la 30a de marto eblas sendi kandidatiĝon al la KCE-Komitato, aldone al tiuj jam ricevitaj. C-ano Silfer jam komunikis sian disponeblon por unu el la du revizoraj postenoj. Nek la svisa ŝtataneco nek la esperanta civitaneco estas devigaj kondiĉoj por kandidatiĝi.
Aldonu komenton