HeKo 733 8-C, 30 apr 20
Aŭdinte la opinion de la Kapitulo, la Konsulo konsultis hodiaŭ la grupestrojn de la Senato pri la venonta sesio de la Parlamento de la Esperanta Civito. Estis la unua konsultiĝo de sen. Riichi Karibe laŭ la art. 9 de la Senata reglamento.
La Konsulo konstatis ke la reprezentantoj de la majoritato (sen. Lorena Bellotti) kaj de la opozicio (sen. Anna Bartek) konsentas pri la orientiĝo de la Kapitulo, favora al nova Parlamenta sesio en Bulgario, dum printempo 2021. Alternativa solvo, kaze de problemoj, estos Budapeŝto, en la sama epoko.
La grupestroj estos rekonsultataj pri la tagordo, kiam la Konsulo decidos pri la definitiva kunvoko.
Aldonu komenton