HeKo 536 1-C, 14 jul 13
La domestra ofico de Dieter Rooke ĉesos je 31 aŭgusto 2013, precize tutan jaron post la komenco, laŭ komuniko de Fondumo Pro Esperanto kiel regio. Li daŭre loĝos en la Esperanto-Domo de Ĉaŭdefono, kiel ordinara luanto (kaj KCE-komitatano).
La domestroj responsas pri la pureco, ordo kaj sekureco de la nemoveblaĵo(j) al ili konfidita(j). En la kazo de sen. Rooke temas pri du apartaj nemoveblaĵoj en Ĉaŭdefono: Esperanto-Domo de KCE (kvin apartamentoj kaj du salonoj) kaj Elfonesto de LF-koop (unu apartamento).
F-ino Lynda Tchakoundé provizore deĵoros en septembro (post formado kiel kvalita inspektoro en aŭgusto), atende al la nova domestro, oficonta ekde oktobro 2013.
Aldonu komenton