La normoj aprobitaj de la Senato estas indikitaj per latinaj vortoj: Lex plus adjektivo, por distingi ilin de la direktivoj, aŭ normoj aprobitaj de la Forumo. Male, ĉi-lastaj portas la nomon de la proponinto.
Principe, leĝo normigas la rilatojn en la civitanaro, dum direktivo tiujn inter la paktintaj establoj.
Art. 18 de la Konstitucia Ĉarto — Aktoj de la Senato
- La Senato aprobas leĝojn kaj aplikajn administrajn aktojn: la unuaj estas proponeblaj de kiu ajn senatano, la duaj nur de la Konsulo.
- Leĝoj kaj administraj aktoj devigas la civitanojn, ne la establojn aliĝintajn al la Pakto.
- Lex Lubomira, pri la Registra Instanco (2002)
- Lex referendaria, pri referendumoj (2004)
- Lex suffragatoria, pri la elektoj por la Senato (2004)
- Lex academica, pri la Lingva Komitato (2006)
- Lex crystallina, pri la emblemo por unua helpo (2006)
- Lex Bertilia, pri la Esperanta Panteono (2008)
- Lex Valeria, pri la familia juro (2008)
- Lex Margarita, pri la Esperanta Tempobanko (2011)
- Lex signorum, pri la simboloj de la Esperanta Civito (2016)
- Lex pacificatoria, pri ??? (2017)
- Lex Anatolia, pri la reprezentaj donacoj (2019)
- Lex adiutoria, pri la Civita stabo (2022)