Trideka kunsido de la Kapitulo de la Esperanta Civito, dum la mandato 2020-2024: ĝi disvolviĝos telematike 16 novembro 2022 (kutime en la tria merkredo de ĉiu monato), sub la prezido de la Konsulo, sen. Riichi Karibe.
Tri el la ses membroj de la nova Afrika Komisiono de la Universala havas la esperantan civitanecon, kaj partoprenis en almenaŭ unu Afrika Esperantologia Semajno (en Togolando aŭ Burundio), kie ili diplomiĝis laŭ LTSEC, pere de Kultura Centro Esperantista en Svislando. Unu el ili aktive kunlaboras ankaŭ kun Afrika Esperanto-Instituto.
Ekzistas Esperanto-Domoj kiuj koincidas kun tuta subjekto, kaj ĉi tiu mortus sen ĝi: tipa ekzemplo Kastelo Greziljono, kies programo kaj kies strukturo kuniĝas kvazaŭ heliko en sia firma konko kaj ne estus imagebla kiel limako. Vendu la kastelon kaj ĝian vastan parcelon, kio restus?
La Internacia Esperanto-Muzeo en Vieno (IEMW) nuntempe lasas en la vizitantoj miksitajn sentojn. La muzeo estas unu el la sep de la Aŭstra Nacia Biblioteko, fakte la plej vizitata. Por eniri oni pagas kvin eŭrojn, akirante la rajton viziti ankaŭ alian unikaĵon, nome la muzeon kie eblas admiri la plej grandan kolekton de tergloboj.
Giorgio Silfer inaŭguros monaton de Zamenhof-festetoj ĵaŭdon vespere la 1an de decembro 2022, per libroprezento ĉe Milana Esperanto-Klubo, kunlabore kun Itala Interlingvistika Centro.
La Civita fakrondo pri bibliotekoj kaj arkivoj kunvenis telematike hodiaŭ, unuafoje post la aprobo de direktivo Giordano pri Komuna Integrita Biblioteka kaj Arkiva Sistemo (KIBAS). Estis ekzamenataj la unuaj aplikoj de la nova direktivo, interalie la apogo al la kurso pri arkivistiko, fare de c-ano Ruben Fernandez ĉe Kultura Centro Esperantista en Svislando, 14-19 aŭgusto 2023.
Se veras la informo disvastigita de nordeŭropa skandalgazeto, la felietono pri la grandioza retejo de la Universala transiris de administra kaj financa dramo al strategia konflikto inter UEA kaj TEJO.
Ĉi-semajne la orienta legacio de la Esperanta Civito estos translokita al najbara lokalo sur la sama etaĝo de la jama OKISZ-palaco, kiu lastatempe transiris al nova proprietulo. La transloko okazos sub la responso de gec-anoj Manuela Blanco kaj Giorgio Silfer.
La Esperanto-Domoj kaj aliaj sidejoj ene de la Pakto por la Esperanta Civito iom post iom elektas tagon de la semajno por akcepti vizitojn. Ekzemple la naturamika Esperanto-Domo en Malago (Hispanio) principe akceptas gastojn ĵaŭde, fine de la posttagmezo. Certe eblas esceptoj, ĉar ĵaŭdo povas esti ordinara festotago, aŭ grava gasto povas aperi en alia tago.
La ordinara Asembleo de la Esperanta PEN estas kunvokita al Padovo (Italio), 3 decembro 2022, tuj post vizito de la internacia prezidanto, Burhan Sonmez.
Kadre de la delego ricevita de la Konsulo, la vickonsulo pri financoj nomumis hodiaŭ novan kvestoron, en la persono de sen. Miroslava Kirova, kies ofico estos konfirmebla fine de la nuna parlamenta mandato (komence de 2025), sendepende de eventuala ĉeso de la senataneco. La lasta oficiale nomumita kvestoro estis c-ino Mariola Jobin, jama forumano.
La Konsulo proponis al la du grupestrinoj (sen. Lorena Bellotti, por la Verda majoritato, kaj sen. Anna Bartek, por la Blanka opozicio) kunvoki la venontan Senatan, kaj konsekvence parlamentan sesion al civito en Alta Italio, probable Piemonto, por la komenco de aŭgusto 2023.
